Mat engem Resultat vu 50,56 % ka sech d’Gemeng Wäiswampech iwwert hir Bronze-Zertifizéierung am Naturpakt freeën 💪🌱
👉Zil vum Naturpakt ass et, Natur- a Waasserschutz zu Lëtzebuerg ze fërderen. Duerch d’Ëmsetze vun Natur- a Waasserschutzmoossname kann d’Gemeng Punkte kréien a sech sou Subside vum Staat sécheren, déi dann erëm an esou Moossnamen investéiert kënne ginn. Méi Informatioun dozou fannt Dir op
Ënnert anerem huet d’Gemeng an de leschte Joren hir Natur- a Waasserschutzstrategie ausformuléiert, e Grondstee fir systematesch an deem Beräich virunzekommen, an eng Rei Entscheedunge getraff, déi déi aktuell an zukünfteg Aarbecht prägen. Zum Beispill gouf sech dofir entscheet nëmmen nach eenheemesch oder standuertgerecht Gehëlzaarten am Siidlungsraum ze planzen. 📜🌲
Nieft der Planung goufen am Kader vum Naturpakt och praktesch Moossname mat konkreten Impakter op d‘Natur ëmgesat, beispillsweis:
✅ de Schutz vu Fliedermais, an deem s d’Späichere vu verschiddene Kierchen fir Fliedermauskolonien notzbar bleiwen; 🦇
✅ d’Installatioun vun Nisthilfen fir Villercher, Schléifer an Igele wéi och d’Uleeën vu Wëllblummewisen, Sandarien, Doudholzhecken, Steekéip a Wëllbeienhoteler, wouduerch bedrot eenheemesch Déierenaarten ënnerstëtzt ginn; 🦎🐦
✅ d’Ëmstellung vun de Bewirtschaftungsmethode vun de Wisen an de Feldweeränner, wouduerch Liewensraum fir beispillsweis Bestëbser an Igele geschaf gëtt. 🦋🦔
📢 Wat déi zukünfteg Naturschutz-Beméiunge vun der Gemeng betrëfft, soll et definitiv net bei de genannte Beispiller bleiwen. Weider Naturschutz-Moossname si geplangt, och fir d’Liewensqualitéit an der Gemeng ze stäerken!
